O’ mese e maggio.

Mai può mancare per me il ricordo della mia cara mamma, che non è più. Questa piccola lirica ricama con parole semplici il ricordo perenne e si va indietro agli anni della mia fanciullezza, fatta di ricordi felici che non si cancellano più. Rosa Marseglia

writen by Rosa Marseglia

Quanta ricorde e giuventù passata e quanta ricorde tengo astipate… sento ancora a vocia toia ‘e quanno me chiammave… e a vita scurreva felice e spensierata.

Mammà accuminciava ‘a fa rummore dà matina… ‘o buono juorno me deve e io me scetavo.

‘A fore ‘o balcone m’affacciavo, vedenno a ggente cà passava e io suspiravo. Sotto ‘o purtone da casa mia se fermava nu carretto chine e rose prufumate, e ‘o sciuraro cà strillava… accattateve e rose e rose e maggio da Madonna.

Mammà… a presenza e ogni festa te faceva sentì comm’era… sfrenata!  E currenno nce diceva… pigliate ‘o quadro da madonna, mettite e rose dint’e vasi, appicciate sti cannele.

‘o juorno da supplica a casa mia era tutta n’armunia… pareva e sta a Pompei tant’era bello chill’altare chine e rose profumate e a tuvaglia ricamata.

Po’ mpunto a miezojuorno attuorno ‘a chill’altare tutta a famiglia pregava, recitando a supplica e ‘o rusario, chillu juorno bello è passato e ‘o ricordo e te nun ma lassata, me pare ancora e te vedè quanno cu l’uocchie e lacrime dicive chianu chianu… Madonna mia t’arraccumanno a tutte e figli mie.

Rosa Marseglia